يا تونس يا بليّة

يا تونس يا بليّة 
يا دمعة مرميّة 
يا راحة منسيّة 
يا باب مسكر في كل ثنيّة 
يا ضحكة مشتهية
يا غصة وليّة 
حتى بالنيّة

يا باب مردود 
يا بخت مرفود 
يا زمان نمرود 
يا كذب موعود 
يا محبة 
ما ليها حدود

يا صمبة عليك تعس 
يا وردة فيك تتقص 
يا مرى ماتت بالحس
يا كبدة معاك تتمعس

يا وسّادة 
يا ولاّدة 
يا غصّة العادة 
يا عشقة بلاش بلادة

يا بول السكارى
يا دموع بالحارة 
يا كلمة غدارة 
يا هم بالشكارة

يا ليل يغم 
يا حبس يلم 
يا حرارة الدم 
يا ريحة الموت في لحوم

يا شطوط 
يا حيوط 
يا شوارع 
يا رهوط 
يا جرية 
بلاش هبوط

يا وديان تهرهر 
يا نفس تصنصر 
يا صغار تموت وماتشعر

يا قلب حطبة 
يا صنعة كلبة 
يا يدين حرشة مش رطبة 
يا بوشلطة وبالنجوم 
يا زميمهم يا أكبر غلطة

يا ظلام 
يا حرام 
يا حكام 
يا ظُلاّمْ

لا سلام 
لا منام
لا اوهام 
لا محبة 
لا غرام

لا همة 
تتشرى 
وتتباع 
لا صيودة 
لا نعاج 
مافما كان الضباع

يا سمى بالغيم 
يا هوى كلاه الضيم 
يا متع الله 
يا كريم

يا مطاطية الراس 
يا غاوية الباس 
يا مركبة الوسواس

يا تونس 
يا جرح ما براش 
يا ريحة فرح ما فماش

شتحب 
يا عصب 
يا كنين غضب 
يا صيحة قبب 
يا روح تحب 
والحيل تهد وتعب

ومزلت نحب ...
تي شتحب ... الزب ؟

[Amine.G]