وتظلام الدنيا ... وتكحال العين على ممو عالعين ... ويتسكر المكتوب عالجبين ... ويطربق الباب ويطبق السكات على الملام والكلام والڨراجم إلي حكات ... وفي عز السيبة والصڨعة والبرد يكفر الزمان على ملة البعد ... ومبعد ... سكات طبق ... فتيلة في الجاش وغصة والفم...
حسها ... كي لمحبة المنسمة ... كي لفام المتبسمة ... كي لعروف المرصفة ... كي لهموم لمعفسة ... تشنڨل بهواها ... بحرارة الروح ... وبحس النفس إلي يفوح ... بالصوت العالي إلي يصيح وما يبوح ... صورها ... بدم عروڨك ... بالشمس الزارڨة وڨت شروڨك ... إكتبها ... بجواجي...
J'aurais aimé te dire tas de choses. J'aurais aimé te sentir comme une rose sur une falaise délaissée. J'aurais peut être aimé trahir mes regrets de t'avoir laissé partir sans pouvoir dire un mot. Un mot ... Qui comptait ... Et qui savait Qui tremblait...
توحشتك توحشت نحبك ونتكتب حرفين في ندوة كتبك توحشت الرعشة كي نشوفك وقت تلبك توحشت الوقت إلي ما يدق كان ليك توحشت كل تركينة عفستها ويديا عارقة شادة في يديك توحشت القهوة العربي إلي تطيبهالي وكل توشويشة ونفخة في وذني تحكيهالي توحشتك وتوحشت سكاتك إلي نفهمو...
يرجع الفرططو للنار إلي حرقتو ويرجع القلب موجوع مالوجيعة إلي غاضتو ويرجع لمنام للعين إلي ما شافتو ويرجع النفس للنفوس إلي ما حستو ويرجع الوقت يقيد وما يخبي ويرجع البخت يمني وما يعبي وترجع اللحظة مابين البينين ما بين غزرة وغمزتين ما بين الليل والفجر لحزين...
وبرّه كان شتهيتني وشتهيتك كي اول سيڨارو كميتو بالسرقة في بيتك كيف اول غزرة رشقتها فيك كي ريتك وبرّه تفطمنا ع... وبرّه كان شتهيتني وشتهيتك كي اول سيڨارو كميتو بالسرقة في بيتككيف اول غزرة رشقتها فيك كي ريتك وبرّه تفطمنا عالبنة ولهبال وبدلنا لحرام بالحلال...
يا تونس يا بليّة يا دمعة مرميّة يا راحة منسيّة يا باب مسكر في كل ثنيّة يا ضحكة مشتهية يا غصة وليّة حتى بالنيّة يا باب مردود يا بخت مرفود يا زمان نمرود يا كذب موعود يا محبة ما ليها حدود يا صمبة عليك تعس يا وردة فيك تتقص يا مرى ماتت بالحس يا كبدة معاك تتمعس...
أحكي نص الشهوة كلامْ و نص الفعل تخمامْ و نص البدر تْمَامْ ونص الثنية صاحبْ و دنيا في كتابْ استكفى بلّي حضرْ و فوتك ملّي غابْ بالك بيك كفر ومنّك تابْ تي محسوب كانت أياماتْ و خسارة ساعاتْ عشقه حسابات آش كان عليك في نُصْ النُصْ تنسى إلي فات وماتْ و احلم...
مصابني العين الي ماشافتك وعشقتك مصابني اليد الي اشتهات زنودك ومامسّتك مصابني عقاب حمّيرك عالكاس الي سكرت بيه مصابني بعد التعب الفرش الي عنقك كي اتكّيت عليه مصابني عضيتك من شفايفك وشربت منها كيسان مصابني تشهّيتك تتكّى على كفّي وقلبي عريان مصابني الشطر...
Listen to نستناك by Amine Gallah #np on #SoundCloud نِسْتَنَّاكْ ... يلعن ريحة جواجيك نِسْتَنَّاكْ... وعيني حالفة تتغطى بشفر من عينيك نِسْتَنَّاكْ مابين النفس والنفس ما بين السكات والحس نِسْتَنَّاكْ في كل تدوليشة في كل غصرة وتمهميشة كل ما تجي في بالي...
… فِي دَحْسِة الظَّلْمَةْ وْبَرْدْ لْيَالِيَّا يِتِرْشَقْ خْيَالِكْ بِينْ عِينَيَّا ... نِخْتَلْقِكْ مْنَامَةْ وْحِلْمَةْ تِتْصَوِّرْ بِالنْفَسْ لِمْعَشِّشْ فِي جْوَاجِيَّا .... نْصَوْرِكْ مْلاَيْكَةْ، حُورِيَّةْ تِتْجَلَّى تَغْسِلْ فِي زْنُودْهَا بِنْقَاوِةْ...
... تعبت من الڨهره والوجع ... تْعِبْتْ ... تعبت من فرڨة إلي مشى وما رجع ... تْعِبْتْ ... تعبت مِلِّي خان الوعد وما سمع ... تْعِبْتْ ... تعبت مِلِّي طاطا راسو وعلى ركايبو ركع ... تْعِبْتْ ... تعبت مِلِّي عطى للذل كارو بعد ما من صدر الحرية رضع ... تْعِبْتْ...
وينك ؟ وين مشيت ؟ ... وينك ؟ نخاف وحدي كي يطول الوقت ونتي لا جيت لا طليت ... وينك ؟ يزي ايجا ... وينك ؟ هيا نهبلو نشنعو نبنيو طيرة وبرشة هيجة ... وينك ؟ نحب نحسك في كلمة في همسة في حاجة بسيطة في حويجة وممكن في تربيجة ... وينك ؟ ايجا هنا ... وينك ؟ ايجا...
... تعبنا من المشي في الدفاين ... الشوية ورا الشوية وخبز النهار منڨع في الغباين ... صبحنا للڨبور زوار ... دموعنا رشراش عبت كاسنا دمار ... ماتو لحرار وإلي خرج يجري من صباحو على الخبزة رجع بصندوڨو للدار ... يا حسرة على جو الدار ما عاد الضحكة فيها تحلى وما...
... وِينُو زْمَانْ العُولَةْ وِالفْطِيرْ ... وِينُو زْمَانْ الحْصِيدَةْ وِالسّْبُولَةْ فِي الهْوَى كِي تْطِيرْ ... وِينُو الڨَمْحْ فِي ڨَلْبْ الرْحَى ... وِينُو السّْمِيدْ الصَّافِي بْلُونْ الشّْعِيرْ ... إِييهْ يَا حَسْرَةْ ... وِينِي اِلْكِسْرَةْ وِينِي...
... شاهي نهبل في عقلي ونبيع الطرح بش يبرى الجرح ... شاهي نتسلخ من سلاسل روحي ونساسي الضحكة ونتشحت الفرح ... شاهي نعري صغري ونمسح عليه الندى والغبار ... شاهي نرجع نفرفط بالهيجة مع الصغار ... شاهي نتخبى في الغميضة ونتمرمد في التراب ونغني وعلى الحيوط نصور...
… أكسيون ... طفى الضو وبدا الفيلم ... فيلم عرضني في السنيما ... سمعتهم يحكيو عليه قالو مولاه ولدنا أصلو وجدودو من هنا ... خذا من عند لِڨْوِرَّهْ "أوسكار" ومن نهارتو صبحت الناس لكل تحكي على ولد لبلاد الصغار قبل لكبار ... هيا هاو بدى الفيلم و بديت نتفرج...
... ماحلانا ... قلوبنا صافية ونحسو على بعضنا في الغصرة والمحون … الفرحة نقسموها مع المحنون والغصرة نخففوها على المغبون ... ندزو الباب ونطلو على لحباب ولصحاب بمناسبة ولا بلاش ... ما أحنش لا منا يدينا ديما في جيوبنا وإلي عنده يعطي للي ما عنداش ... من العطار...
... لبارح في ليام إي لبارح كي تعدى تفكرتو ليوم ... لبارح كنت طفل صغير معنق تخمامو ونحلم بروحي نرتع نڨِّزْ ولبعيد نطير لبارح في ليام كنت نتصور ونصور في كبري من ورا شباك بيتي على سحابات في عرض السماء ممدودن صنعت منهم أوراق بيض متاع تصوير ... لبارح في ليام...
... في وسط لياليا الڨرسانة المسقمة تصفحت روايات خيالي المفرتة ومش مرقمة ولقيت صفحة طيفك تشع سخونة كي الجمر ولعتلي في لحظة شهاويا وعلى غزرة من شفرك نعطي حياتي ونزيد فوقها عمر وقفت في هاك الصفحة ونفضت عليها الغبار وسرحت نكشف ونتكشف في خفاياك جهار بهار في...
... نحب نحكيلكم على حكايتي مع العشرة والعشيرة : برشة كلام ما موفيهاش, محبتي ليها كبيرة ... منين بش نبدى نحكي وآش بش نقول : خليتني في حيرة يا لعشيرة ... عشيرتي بنية فينو متربية تربية زمنية بعثهالي العالي هدية تهز معايا حمل الدنيا وتنورلي ببهاها الثنية...
عَنْدْكُمْشْ شْعَنَّا ؟ ... عنا الضحكة النكتة واللمة ... عنا الفدة الغمة الرجلة والهمة ... عنا الهم مجمر والدمعة كذابة ... عنا الفرح والعشرة غلابة ... عنا التصعصيع والتوصفين والراس الكاسح ... عنا لهوى الهدار والواد الهرهار والبير الناشح ... عنا العايق...
... كيفاش تحبني نرجعلك ونجيك وأنا مزروع فيك ... كي عروش التوتة وأوراق الكرمة ... كي الحلمة السمحة وهبال الخرمة ... نهز خشمي ويركبني منك النقرص والعصب ... وتجنني عمايلك المعوجة والعوج جرب ... أما شنعمل الكنين عليك كلب ... وإنت كي تذبلي عويناتك دين أمك...
الدِنْيَا وَقْتْهَا كَانِتْ ظَلْمَةْ ... نْسِيتِ اِلْوَقْتْ شَحْكَمْ وْعْقَارْبُو شْكِتْبِتْ ... فَجْرْ بَارِدْ لاَبِسْ رْدَا ... عْيُونْ تَايْهَةْ مَرْشُوڨَةْ فِي السّْمَا ... كْفُوفْ مْشَڨّْڨَةْ شَايْحَةْ كِي التّْرَابْ النَّاشَحْ بْلَا مَاءْ ... كَاسْ...
نص مشترك مع الصديقة صفاء البرجي كتيبة زرقة صفاء كتيبة كحلة آنا ------------------------------------------------------------------------------------------------------------------ الكلمة تنهيدة والنّغمة دمعة شاوية الكبيدَة نخرج من روحي ونتسلَخْ نسبّق صدى...